Nemis tili · Deutsch

Nemis tilida gapirish: ovozli ustoz bilan har kuni mashq

Germaniyada o‘qish, ish yoki Goethe imtihoni — qaysi maqsad bo‘lmasin, nemis tilida gapirish faqat gapirib o‘rganiladi. NotiqAI’dagi ustoz siz bilan nemischa suhbatlashadi, artikl va fe’l o‘rnidagi xatolarni darhol ko‘rsatadi va ularni o‘zbek tilida tushuntiradi.

  • Nemischa jonli suhbat
  • CEFR A1–C2
  • O‘zbekcha tushuntirish
  • 3 daqiqa bepul

Nemis tilida qanday mashq qilasiz

  1. 1

    Tilni va ustozni tanlang

    Nemis tilini tanlaysiz, keyin to‘rt ustozdan birini: yumshoq, tushuntiruvchi, imtihon formatidagi yoki qattiqqo‘l.

  2. 2

    Ovoz chiqarib gaplashing

    Ustoz nemischa savol beradi va javobingizni real vaqtda eshitadi. Tushunmay qolsangiz, o‘zbekcha izohlab beradi.

  3. 3

    Tahlilni o‘qing

    Suhbatdan keyin daraja, xatolar ro‘yxati va to‘g‘ri variantlar chiqadi. Ustoz keyingi safar shu xatolardan boshlaydi.

Daraja: CEFR A1–C2

Nemis tilidagi suhbatlar Yevropa tillar shkalasi (CEFR) bo‘yicha baholanadi: ravonlik, so‘z boyligi, grammatika va talaffuz. Bu taxminiy daraja — rasmiy sertifikat emas, lekin o‘sishingizni kuzatish uchun yetarlicha aniq.

  • A1–A2

    Oddiy salomlashish, o‘zingiz va kundalik ishlar haqida qisqa gaplar.

  • B1–B2

    Tanish mavzularda erkin suhbat, fikr bildirish, voqeani aytib berish.

  • C1–C2

    Murakkab mavzularda aniq, boy va tabiiy nutq.

Nemis tilining qiyin joylari — o‘zbekcha izoh bilan

Ustoz o‘zbek tilida so‘zlashuvchi qayerda adashishini biladi va qoidani qisqa, misol bilan tushuntiradi.

  • der, die, das

    O‘zbek tilida grammatik jins yo‘q — ustoz artiklni so‘z bilan birga eslab qolishni o‘rgatadi.

  • Fe’l ikkinchi o‘rinda

    “Heute ich gehe” emas, “Heute gehe ich” — gap tartibining asosiy qoidasi.

  • Kelishiklar

    Akkusativ va Dativ farqi o‘zbekchadagi tushum va jo‘nalish kelishiklari orqali tushuntiriladi.

Kimlar uchun

  • Germaniyaga ketayotganlar

    O‘qish, Ausbildung yoki ish uchun kundalik suhbatga tayyorgarlik.

  • Imtihonga tayyorlanayotganlar

    Goethe yoki telc og‘zaki qismi oldidan erkin gapirish mashqi.

  • Grammatikani bilib, gapira olmaydiganlar

    Bilganingizni nutqqa aylantirish uchun har kuni qisqa suhbat.

Savollar

Noldan boshlasam bo‘ladimi?

A1 darajadan boshlash mumkin: ustoz sodda savollar beradi va tushunmagan joyingizni o‘zbekcha izohlaydi.

Goethe sertifikatini beradimi?

Yo‘q. NotiqAI mashq uchun taxminiy CEFR darajasini ko‘rsatadi; rasmiy sertifikat faqat imtihon markazida beriladi.

Nemis tili har doim ochiqmi?

Tillar bosqichma-bosqich ochiladi. Sahifada “Hozir ochiq” belgisi bo‘lsa, ro‘yxatdan o‘tgach darhol nemischa gaplashishingiz mumkin.

Nemischa birinchi gapingizni bugun ayting

Ro‘yxatdan o‘ting va 3 daqiqalik bepul sinovda ustoz bilan gaplashib ko‘ring.